Суғурталанган ТВни нобуд бўлиши ёки шикастланиши таваккалчилиги билан боғлиқ бўлган Суғурта қилдирувчининг мулкий манфаатлари суғурта объекти ҳисобланади.

ЙТҲ тўғридан-тўғри оқибати бўлган суғурталанган ТВни нобуд бўлиши ёки шикастланиши, суғурта ҳодисаси деб ҳисобланади.

Қуйидагилар (қуйидаги ҳолатлар) суғурта ҳодисаси деб ҳисобланмайди ва уларнинг оқибатида юзага келган зарар (зиён) қоплаб берилмайди:

а) тасарруфида суғурталанган ТВ бўлган Суғурта қилдирувчи, Ҳайдовчи ёки Наф олувчининг суғурта ҳодисаси содир бўлишига қаратилган қасддан қилган ҳаракатлари ва/ёки ҳаракатсизлиги, уларнинг ўз фуқаролик бурчларини адо этиши ёки Суғурта қилдирувчи, Ҳайдовчи, Наф олувчи ёки учинчи шахсларнинг фуқаролик бурчини бажариш ёки ҳаёти, соғлиғи, обрўси ва қадр-қимматини ҳимоя қилиш билан боғлиқ бўлган ҳаракатлари бундан мустасно;

б) суғурталанган ТВни чарчоқ, алкогол мастлик ёки ақлий-идоравий фаолиятига таъсир кўрсатувчи наркотик воситалари, психотроп ва бошқа моддалар, реакция тезлигини камайтирувчи дори воситалари таъсири остидаги ҳолатда бўлган шахс томонидан бошқарилиши, шунингдек суғурталанган ТВ ҳайдовчиси ЙТҲ жойидан яшириниши (ЙТҲ содир бўлган жойни ташлаб кетганда) ёки тиббий кўрикдан ўтишдан бош тортиши, рулни бошқараётганда ухлаб қолиши;

в) бошқариш ҳуқуқига ва бошқа Йўл ҳаракати қоидаларида белгиланган ҳужжатларга эга бўлмаган шахс томонидан суғурталанган ТВнинг бошқарилиши;

г) йўл қўйиладиган тезлик режимидан ошириб ҳайдаш, темир йўл кесишмаларидан ўтиш қоидаларининг бузилиши ёки светофорнинг таъқиқловчи ишорасига ўтиш, ётиқ чизиқлар, йўналтиргичлар, ёзувлар ва транспорт воситаларни ҳаракатини тартибга солиш белгиларга амал қилмаслик, шу жумладан суғурталанган ТВнинг транспорт оқими йўналишига қарама-қарши чиқиши;

д) Суғурталовчига суғурта объекти, зарарнинг сабаблари ва миқдори тўғрисида Суғурта қилдирувчи, Наф олувчи, Ҳайдовчи томонидан била туриб ёлғон маълумотлар берилиши, шунингдек воқеа тафсилотларини тасдиқлашга ёхуд зарар миқдорига доир сохталаштирилган ҳужжатлар тақдим этилиши;

е) cодир бўлган суғурта воқеаси тўғрисида мазкур Қоидаларда белгиланган муддат ва усулда Суғурталовчини ўз вақтида ва узрли сабабсиз хабардор этилмаслиги;

ж) Суғурталовчига таъмирлангунга қадар шикастланган ТВни кўздан кечириш учун тақдим этилмаслиги, Суғурталовчини ўзи кўз кечиришни рад этиши бундан мустасно;

з) қонунчиликда ўрнатилган тартибда техник кўрикдан ўтмаган суғурталанган ТВдан фойдаланилиши, суғурталанган ТВдан фойдаланишни белгиловчи ҳужжат (йўриқнома, қоидалар, қўлланма, низом ва бошқалар), ёнғин хавфсизлиги қоидалари, ёнувчан ва портовчи моддаларни ва нарсаларни ташиш қоидалари ва шу каби ҳужжатлар шартларининг бузилиши;

и) суғурталанган ТВдан ҳайдашга ўргатиш ёки мусобақа ва синов мақсадларида фойдаланилиши;

к) суғурталанган ТВда ташилаётган йўловчилар умумий сони/юкнинг тўлиқ умумий вазни, ишлаб чиқарувчи завод томонидан белгиланган сон/энг кўп вазн миқдоридан ортиқ бўлса.

Қуйидагилар қоплаб берилмайди:

а) суғурта полиси амал қилиши бошланган пайтгача Суғурта қилдирувчи, Ҳайдовчи ёки Наф олувчи билган ёки билмаганлигидан қатъий назар, суғурталанган ТВдаги мавжуд носозликлар ва нуқсонлар;

б) механик ишдан чиқишлар, нотекис ёки ёмон ҳолатдаги қатнов қисм, ўткир жисмларни босиб ўтилиши келтириб чиқарган ғилдирак шиналари ва/ёки дискларини шикастланиши, агар уларнинг шикастланиши суғурталанган ТВ шикастланишига ёки нобуд бўлишига олиб келмаган бўлса;

в) суғурталанган ТВга ўрнатилган, завод комплектациясига кирмайдиган қўшимча ускунанинг нобуд бўлиши ёки шикастланиши.

Махсус истиснолар. Суғурта товони миқдорини аниқлашда, суғурта ҳодисаси натижасида суғурталанган ТВга етказилган зарар миқдоридан қуйидагилар чиқариб ташланади:

а) суғурталанган ТВ, шу жумладан унинг алоҳида деталллари ва боғламаларининг, табиий эскириши;

б) ТВнинг товар кўринишини йўқолиши (товар қийматини йўқотиш) ва ишлаб чиқарувчи завод браки (нуқсони);

в) суғурталанган ТВни такомиллаштириш билан боғлиқ Суғурта қилдирувчи, Ҳайдовчи ёки Наф олувчининг харажатлари.

Суғурталовчи Суғурта қилдирувчи, Ҳайдовчи ёки Наф олувчининг суғурта ҳодисаси билан боғлиқ бўлган билвосита ва бошқа харажатлари бўйича (ҳар қандай турдаги жарималар, суғурталанган ТВга етказилган зарарни баҳолаш харажатлари, ТВ тураргоҳ харажатлари ва бошқалар), шунингдек, ҳар қандай тўғридан-тўғри ва билвосита солиқлар ҳамда бошқа харажатларга нисбатан жавобгарлик олиб бормайди.

Суғурталовчи мазкур Қоидаларда назарда тутилмаган ва қайд этилмаган ҳар қандай воқеаларга, шунингдек суғурта ҳудуди ёки суғурта полисининг амал қилиш муддатидан ташқарида содир бўлган воқеаларга нисбатан жавобгарлик олиб бормайди. Суғурталовчи, шунингдек, Ўзбекистон Республикаси қонунчилигида белгиланган ҳолларда суғурта товонини тўлаш мажбуриятидан озод қилинади.

Агар Суғурта қилдирувчи (Наф олувчи/Ҳайдовчи) мазкур Қоидаларнинг шартларини бузганлиги Суғурталовчи томонидан аниқланса, ёки Суғурта қилдирувчи (Наф олувчи/Ҳайдовчи) зарар учун жавобгар шахсга нисбатан ўзининг талаб қилиш ҳуқуқидан бош тортса, ёки Суғурта қилдирувчининг (Наф олувчининг/Ҳайдовчининг) айби билан бундай ҳуқуқни амалга ошириш мумкин бўлмаса, Суғурталовчи суғурта товонини тўламайди (Ўзбекистон Республикаси Фуқаролик кодексининг 957 моддаси).

Суғурта пули ва суғурта мукофоти миқдори битта ТВга Суғурталовчи томонидан белгинади ва суғурта полисида кўрсатилади. Бунда суғурта даври тугагунга қадар суғурталанган ТВга нисбатан “AVTOROAD” дастури бўйича қўшимча/такрорий суғурталашга йўл қўйилмайди.

Мазкур Қоидаларга кўра “номутаносиб тўлиқ бўлмаган” суғурта ҳисобланади – суғурта товони Ўзбекистон Республикаси Фуқаролик кодексининг 936 моддаси “Тўлиқ бўлмаган мулкий суғурта” мутаносиблик тўғрисидаги қоидаларини қўлламаган ҳолда, суғурта пули доирасида тўлаб берилади.

Суғурта мукофоти, пул маблағларини Суғурталовчини банк ҳисобрақамига ўтказиш ёки Суғурталовчини банк ҳисоб рақамига нақд пул маблағларни кирим қилиш йўли билан ёхуд Ўзбекистон Республикаси қонунчилиги билан рухсат этилган бошқа тўлов тизимлари воситасида тўланиши мумкин.

Пул маблағлари Суғурталовчи ҳисобрақамига келиб тушган кун суғурта мукофоти тўланган сана ҳисобланади.

Суғурта полиси мазкур Қоидаларга мувофиқ қуйидаги усуллардан расмийлаштирилиши мумкин:

• Суғурта қилдирувчига унинг ёзма ёки оғзаки аризасига биноан Суғурталовчи томонидан имзоланган суғурта полисини топшириш йўли билан;

• Суғурта қилдирувчига унинг ёзма ёки оғзаки аризасига биноан Суғурталовчи томонидан электрон ҳужжат шаклида тузилган суғурта полисини йўллаш йўли билан.

Суғурта полиси шартлашилган суғурта мукофоти тўлиқ ҳажмда тўлангандан кейин «Биринчи суғурта ҳодисасига қадар» шартида берилади. Суғурта мукофоти тўланган кундан кейинги куннинг 00:00 соатидан суғурта полисининг амал қилиш муддати бошланади.

Суғурталовчи суғурта полиси шартларига тўғри келувчи, Суғурта қилдирувчи томонидан фақат биринчи марта хабари берилган суғурта ҳодисаси бўйича суғурта товонини тўлаб беради. Суғурта полисининг амал қилиш муддати, Суғурта қилдирувчи томонидан биринчи марта хабари берилган суғурта ҳодисаси бўйича суғурта товонини тўланган пайтдан тугайди.

Суғурта полиси унинг амал қилиш муддати тугаганда, шунингдек Ўзбекистон Республикаси қонунчилигида ва мазкур Қоидаларда назарда тутилган ҳолларда ва тартибда бекор қилинади.

Суғурта қилдирувчи қуйидаги ҳуқуқларга эга:

а) суғурта полиси амал қилиш муддатида мазкур Қоидаларнинг шартлари бўйича маслаҳатлар олишга;

б) суғурта ҳодисаси содир бўлганда, суғурталанган таваккалчилик бўйича, суғурта полисида белгиланган суғурта пули чегарасида суғурта товонини олишга;

в) Суғурталовчидан мазкур Қоидаларнинг шартларини бажарилишини талаб этишга.

Суғурта қилдирувчи мажбур:

а) шартлашилган суғурта мукофотини белгиланган миқдор ва тартибда ўз вақтида тўлаши;

б) Ҳайдовчини мазкур Қоидалар (суғурта полиси) шартлари билан таништириши, шу жумладан, уларнинг ҳуқуқ ва мажбуриятларини тушунтириши;

в) суғурта полиси расмийлаштирилаётганда маълум қилган ҳолатлар бўйича ҳар қандай муҳим ўзгаришлар тўғрисида Суғурталовчига дарҳол ёзма равишда хабар бериш, Суғурталовчига барча ҳужжат ва далил-исботларни, шунингдек Суғурталовчига ўтказилган суброгация ва регресс тартибида ўтказилган талаб қилиш ҳуқуқини амалга ошириш учун зарур бўлган барча маълумотларни тақдим этиш.

Муҳим деб қуйидаги ўзгаришлар тан олинади: суғурталанган ТВни ижарага (субижара, лизинг) бериш, сотиш ва ҳадя этиш; ТВни бегоналаштириш (сотиш, ҳадя ва бошқалар), ТВни гаровга қўйиш ва (ёки) унга бошқа усулларда ҳуқуқларни юклаш; ЙҲХББда ТВни ҳисобдан чиқариш, қайта рўйхатга олиш; рақамли агрегатларни (кузов, двигатель ва ш.к.) алмаштириш ёки агрегатларнинг ўзини алмаштирмаган ҳолда агрегатлар рақамини алмаштириш ва ш.ў., ТВдан тижорат мақсадларида фойдаланиш, шу жумладан юк ва йўловчиларни ташиш.

Суғурталовчи қуйидаги ҳуқуқларга эга:

а) суғурта полиси расмийлаштирилгунга қадар ва ундан кейин исталган вақтда суғурталанган ТВнинг ҳолати ва қийматини баҳолаш учун кўрсатишни Суғурта қилдирувчидан талаб қилиш, шунингдек Суғурта қилдирувчи маълум қилган маълумотларни тўғрилигини текшириш;

б) зарурият туғилганда, содир бўлган суғурта воқеаси факти ва сабабларини, шунингдек етказилган зарарнинг рўйхати ва хусусиятларини тасдиқловчи ҳужжатлар ва ахборотларни тақдим этиш юзасидан ваколатли органларга сўров юборишга;

в) шикастланган ТВни кўздан кечиришга ёки кўрикдан ўтказишга, шу жумладан тиклаш бўйича таъмирлаш пайтига қадар ТВни кўздан кечиришга, шунингдек зарар сабаби ва миқдорини суриштириш;

г) суғурталанган ТВнинг шикастланган қисмлари ёки қолдиқларини (қисмларининг қолдиқларини) Суғурта қилдирувчи Суғурталовчига тақдим этишдан бош тортганда, улар қолдиқларсиз нобуд бўлиши мумкин бўлган ҳолатлар бундан мустасно, шунингдек мазкур Қоидаларда ва Ўзбекистон Республикаси қонунчилигида назарда тутилган ҳолатларда, суғурта товонини тўлашни рад этиш;

д) суғурта таваккалчилиги ортганда, суғурталаш шартларини ўзгартиришни ёки таваккалчилик ортишига мутаносиб равишда қўшимча суғурта мукофоти тўлашни талаб қилишга.

Суғурталовчи мажбур:

а) Суғурта қилдирувчига мазкур Қоидаларнинг шартларини тушунтиришга;

б) суғурта полиси билан бирга мазкур Қоидаларни Суғурта қилдирувчига топшириш;

в) суғурта ҳодисаси содир бўлганда, мазкур Қоидаларда белгиланган тартибда суғурта товонини тўлаб беришга.

Суғурталовчи ва Суғурта қилдирувчи қонун ҳужжатларига мувофиқ бошқа ҳуқуқларга ҳам эга бўлишлари ва ўз зиммаларига бошқа мажбуриятларни ҳам олиши мумкин.

Суғурта ҳодисаси белгиларига эга бўлган воқеа содир бўлганда, Суғурта қилдирувчи (Наф олувчи, Ҳайдовчи) қуйидагиларга мажбур:

Агар мазкур Қоидаларнинг 7.1.1.-7.1.8. кичик бандларида белгиланган мажбуриятлар Суғурта қилдирувчи (Наф олувчи, Ҳайдовчи) томонидан бажарилмаслиги натижасида содир бўлган суғурта ҳодисаси фактини, унинг содир бўлиш тафсилотларини, етказилган зарар миқдорини (суғурта тўлови миқдори) аниқлаш имкони бўлмаса, Суғурталовчининг суғурта товонини тўлаш бўйича мажбурияти юзага келмайди.

Суғурта воқеаси содир бўлганлиги тўғрисида ёзма ариза тақдим этилгандан кейин Суғурта қилдирувчи/Наф олувчи 5 (беш) иш куни ичида қуйидаги ҳужжатларни тақдим этиши лозим:

а) суғурта полиси;

б) суғурта ҳодисаси белгиларига эга бўлган воқеа содир бўлган пайтда ТВни бошқарган Ҳайдовчининг ҳайдовчилик гувоҳномаси ва ТВдан фойдаланиш (эксплуатация қилиш) ҳуқуқини тасдиқловчи Суғурта қилдирувчи номидан берилган ҳужжатлар;

в) ТВни рўйхатдан ўтказилганлиги тўғрисида гувоҳнома, ТВни мажбурий техник кўрикдан ўз вақтида ўтганлиги фактини тасдиқловчи ҳужжатлар;

г) лицензияга эга баҳолаш ташкилотининг суғурталанган ТВга етказилган зарарни баҳолаш юзасидан тузган ҳисоботининг асли ёки тасдиқланган нусхаси;

д) таъмирлаш-тиклаш ишлари амалга оширилиши бошланишига қадар шикастланган ТВ ёки унинг барча қисмларини фото ва ва видеоси;

е) ҳодисада айбдор бўлган шахс билан Транспорт воситалари эгаларининг фуқаролик жавобгарлиги мажбурий суғурта қилиш шартномасини тузган суғурта компаниясига Суғурта қилдирувчи (Наф олувчи) мурожаат қилганлиги фактини тасдиқловчи ҳужжат нусхаси (Ўзбекистон Республикасининг 2008 йил 21 апрелдаги ЎРҚ-155-сонли Қонуни);

ж) ТВЭФЖМСҚ полиси бўйича тўланган суғурта товони тўғрисида суғурта компаниясининг ёки Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси маълумотномасини нусхаси (Ўзбекистон Республикасининг 2008 йил 21 апрелдаги ЎРҚ-155-сонли Қонуни);

з) қонунчиликда белгиланган тартибда расмийлаштирилган ҳужжатлар, шу жумладан – ваколатли органлар ҳужжатлари, суд қарорлари, ва суғурта ҳодисаси белгиларига эга содир бўлган воқеанинг жойи, вақти ва тафсилотларини, суғурталанган ТВнинг шикастланиш рўйхатини, воқеа иштирокчилари ва уларнинг айблилик даражасини, суғурта товони миқдорини аниқлаш учун Суғурталовчига зарур бўлган маълумотлар.

Бундай ҳужжатларга қуйидагилар киради:

• ЙТҲ жойи, вақти ва иштирокчилари тўғрисидаги ахборотни, ЙТҲ иштирокчилари ТВларига етказилган шикастлар рўйхати ва хусусиятлари, ЙТҲ ҳар бир иштирокчиси томонидан Ўзбекистон Республикаси Йўл ҳаракати қоидалари бузилган ёки бузилмаганлиги тўғрисидаги маълумотлар, ЙТҲ иштирокчиларини тиббий кўрикка юборилганлиги тўғрисидаги ахборотларни ўз ичига олувчи ЙҲҲББ томонидан берилган маълумот ва/ёки суд қарори – (алкотестер кўрсаткичи/баённома) ЙТҲ ЙҲХББ ходимлари томонидан расмийлаштирилганда;

• Ўзбекистон Республикасининг 2008 йил 21 апрелдаги ЎРҚ–155-сонли “Транспорт воситалари эгаларининг фуқаролик жавобгарлигини мажбурий суғурта қилиш тўғрисида” Қонунининг 20-1 ва 20-2 моддаларига мувофиқ ЙТҲга алоқадор ҳайдовчилар томонидан иловалари билан тўлдирилган ва имзоланган ЙТҲ ҳақидаги билдиришнома бланкаси ҳамда ТВЭФЖМСҚ бўйича суғурталовчи томонидан ушбу билдиришнома бўйича хабари берилган воқеани суғурта ҳодисаси деб тан олинганлигини ва суғурта товонини тўланганлигини тасдиқловчи ҳужжатлар - ЙТҲ ЙҲХББ ходимлари иштирокисиз расмийлаштирилганда.

Суғурталовчи юқорида баён этилган ҳужжатлар рўйхатини қисқартиришга, шунингдек Суғурта қилдирувчидан/Наф олувчидан қўшимча ҳужжатларни, агар уларнинг мавжуд эмаслиги муайян тафсилотларнинг ҳисоби билан суғурта ҳодисасини содир бўлганлиги фактини аниқлаш ва зарар миқдорини белгилаш имкониятини бермаса, талаб қилишга ҳақли.

Суғурталовчи, зарур ҳолларда, содир бўлган воқеа бўйича ахборотга эга бўлган ҳуқуқни муҳофаза қилиш органларидан ва бошқа муассаса ва ташкилотлардан воқеа билан боғлиқ маълумотларни мустақил равишда сўраб олиши мумкин, шунингдек суғурта воқеаси сабаблари ва тафсилотларини мустақил суриштиришга ҳақли.

Мазкур воқеага тегишли барча зарур ҳужжатлар олингандан ва барча тафсилотлар ўрганилгандан кейин, Суғурталовчи томонидан содир бўлган воқеани суғурта ҳодисаси деб тан олиш ёки тан олинмаслиги бўйича қарор қабул қилинади.

Суғурта қилдирувчи тақдим этган зарурий ҳужжатларга асосан Суғурталовчи суғурта ҳодисаси содир бўлганлиги фактини тан олса, Суғурталовчи 5 (беш) иш куни ичида барча олинган маълумотлар қайд этиладиган ва тўланилиши лозим бўлган суғурта товони миқдори белгиланадиган суғурта ҳодисаси тўғрисида далолатномани тузади. Суғурта ҳодисаси тўғрисидаги далолатномани Суғурталовчи ва Суғурта қилдирувчи/Наф олувчи имзолайди.

Суғурта товонини тўлашни рад этиш тўғрисидаги Суғурталовчининг қарори, Суғурта қилдирувчи/Наф олувчига уларнинг суғурта товонини тўлаш бўйича қилган ёзма мурожаатидан кейин 15 (ўн беш) кун ичида маълум қилиниши лозим, рад этишнинг асослантирилган сабаблари кўрсатилиши лозим.

Агар воқеаси содир бўлганлиги факти муносабати билан жиноят иши, фуқаролик иш юритуви ёки маъмурий жазо қўллаш тўғрисида иш қўзғатилган бўлса, Суғурталовчи тўланиши лозим бўлган тўлов масаласи бўйича қарор қабул қилишни ваколатли органлар томонидан тегишли қарор қабул қилиш пайтига қадар кечиктириш ҳуқуқига эга.

Суғурта ҳодисаси содир бўлганлигини, шунингдек етказилган зарарларни исботлаш Суғурта қилдирувчи ва Наф олувчи зиммаларига юкланади.

Суғурта товони қуйидаги шаклда тўланади:

Суғурталовчи суғурта товонини қуйидагича тўлашга ҳақли:

Агар зарар суммаси зарар етказган шахс томонидан тўлиқ қоплаб берилса ва/ёки қопланаётган бўлса, Суғурта қилдирувчи/Наф олувчи суғурта товонини олиш бўйича ўз ҳуқуқини йўқотади.

Суғурталовчига суғурталанган ТВга ёки унинг шикастланган қисмларига нисбатан мулк ҳуқуқи, тўланган суғурта товони (суғурта пули) доирасида ўтказилади (Ўзбекистон Республикаси Фуқаролик Кодексининг 958-моддаси).

Суғурта қилдирувчи/Наф олувчининг зарарни қоплаш бўйича етказилган зарарга нисбатан жавобгар шахсга бўлган талаб қилиш ҳуқуқи, тўланган суғурта товони миқдори доирасида Суғурталовчига ўтади.

Суғурта қилдирувчи/Наф олувчи, Ўзбекистон Республикаси Фуқаролик Кодексининг 957-моддаси талабларига мувофиқ, Суғурталовчи ўзига ўтган талаб қилиш ҳуқуқини амалга ошириши учун зарур бўлган барча ҳужжатлар ва далилларни Суғурталовчига бериши ҳамда барча маълумотларни унга маълум қилиши шарт.

Агар Суғурта қилдирувчи/Наф олувчи Суғурталовчи томонидан қопланган зарарлар учун айбдор шахсдан талаб қилиш ҳуқуқидан воз кечса ёки ушбу ҳуқуқни амалга ошириш уларнинг ёки Ҳайдовчининг айби билан имконсиз бўлса, Суғурталовчи суғурта товонини тўлиқ ёки тегишли қисмида тўлашдан озод қилинади ва тўланган суғурта товони миқдорини қайтаришни талаб қилишга ҳақли.

Суғурта қилдирувчи/Наф олувчи Суғурталовчига олинган компенсациялар тўғрисида, шу жумладан агар бундай компенсациялар, Суғурталовчи суғурта товонини тўлаганидан кейин ва/ёки суғурта даври якунлангандан кейин олинадиган бўлса ҳам, хабар қилиши шарт. Суғурта қилдирувчи/Наф олувчи Суғурталовчига бундай суммалар тўғрисида ўзига маълум бўлган пайтдан эътиборан 15 (ўн беш) календар кун ичида хабар қилиши ва Суғурталовчига 15 (ўн беш) календар кун ичида унга тегишли бўлган суммани тўлаб бериши шарт.

Зиммаларига олинган ўз мажбуриятларни бажармаганлик ёки лозим даражада бажармаганлик учун Томонлар Ўзбекистон Республикасининг амалдаги қонунчилигига мувофиқ жавобгар бўладилар.

Томонлар, агар улар бу ҳолнинг Томонлар олдиндан кўриши ёки оқилона чоралар билан олдини олиши мумкин бўлмаган фавқулодда хусусиятдаги воқеалар натижасида суғурта полиси тузилганидан кейин юз берган, енгиб бўлмас кучдаги ҳолатлар (форс-мажор) юзага келиши оқибатида юз берганлигини исботлай олса ва Томонлар ўз мажбуриятларини тегишлича бажариш юзасидан уларга боғлиқ бўлган ва мумкин бўлган барча чораларни кўрган бўлса, суғурта шартномаси (суғурта полиси) бўйича ўз мажбуриятларини бажармаслиги ёки тегишлича бажармаслиги учун жавобгар бўлмайди. Томонлар бир-бирини форс-мажор ҳолатлар юзага келганлиги ҳақида уларнинг юзага келиши пайтидан бошлаб 3 (уч) иш куни ичида хабардор этиши шарт.

Форс-мажор ҳолатлар юзага келган тақдирда, суғурта полиси бўйича Томонларнинг мажбуриятларни бажариш муддати мутаносиб равишда ушбу ҳодисалар рўй берган муддатга сурилади.

Томонлар, Ўзбекистон Республикасининг 2021 йил 23 ноябрдаги ЎРҚ-730-сонли “Суғурта фаолияти тўғрисида” Қонунининг 14 моддаси ва Ўзбекистон Республикаси Фуқаролик Кодексининг 933-моддасига мувофиқ, мазкур Қоидаларга бўйича муносабатлар муносабати билан уларга ошкор бўлиб қолган ахборотни махфийлигини таъминлаш ва уни ошкор этилишига йўл қўймаслик бўйича жавобгарлик олиб борадилар.

Суғурта қилдирувчи ҳамма фойдаланиши мумкин бўлган ахборот-коммуникация технологияларидан фойдаланган ҳолда тақдим этган маълумотлар бўйича Суғурталовчи жавобгарлик олиб бормайди.

Суғурта қилдирувчи суғурта мукофотини тўлаётиб, Суғурталовчига, Суғурталовчи томонидан суғурта полиси шартларини бажарилиши учун, шунингдек қонунга зид бўлмаган бошқа мақсадлар йўлида Суғурта қилдирувчининг ҳар қандай шахсий маълумотларидан ишлов беришга ва фойдаланишга розилигини билдиради. Ҳар қандай ахборотларга ишлов бериш ахборот-коммуникация технологияларидан фойдаланган ҳолда ёки уларсиз амалга оширилади, шу жумладан суғурта полисини тузиш ва бажариш муносабати билан Суғурталовчига тақдим этилган шахсий маълумотларни йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш, шунингдек Ўзбекистон Республикасининг амалдаги қонунчилигида назарда тутилган бошқа ҳаракатларни амалга ошириш.

Суғурта полисини бажарилишида юз бериши мумкин бўлган низолар ва келишмовчиликлар, имкон қадар Томонлар ўртасидаги музокаралар йўли билан ҳал этилади. Низоларни музокаралар йўли билан ҳал этиш мумкин бўлмаганда, Томонлар қонунчиликда кўзда тутилган судгача низоларни тартибга солиш таомилини амалга оширгандан кейин, уларни Ўзбекистон Республикасининг қонунчилиги билан белгиланган тартибда Суғурталовчини давлат рўйхатидан ўтган жойдаги судга берилади.

Суғурта полиси бўйича ҳуқуқ ва мажбуриятлар томонларнинг ёзма розилигисиз учинчи шахсларга ўтказилишига йўл қўйилмайди.

Мазкур Қоидаларда кўрсатиб ўтилмаган барча масалалар Ўзбекистон Республикасининг амалдаги қонун ҳужжатлари билан тартибга солинади.

Томонлар суғурта шартномасини бажаралиши доирасида ахборот алмашинувини электрон шаклда амалга оширишга ҳақли, жумладан Суғурта қилдирувчи томонидан Суғурталовчига суғурта шартномасини (суғурта полисини) тузиш, ўзгартириш, муддатидан олдин тугатиш учун, суғурта товонини (суғурта пулини) олиш учун электрон шаклдаги ахборотни (суғурта шартномасини тузиш, ўзгартириш, муддатидан олдин тугатиш тўғрисидаги аризани, суғурта ҳодисаси юз берганлиги ҳақидаги билдиришномани, суғурта товонини тўлаш тўғрисидаги аризани ва (ёки) бошқа ҳужжатларни) яратиш ҳамда жўнатиш Суғурталовчининг Интернет жаҳон ахборот тармоғидаги расмий веб-сайтидан, шунингдек мобиль иловалардан, хусусан Суғурталовчининг Telegram ботидан, электрон почтадан ва ахборот алмашишнинг бошқа усулларидан фойдаланилган ҳолда амалга оширилади. Суғурталовчининг расмий веб-сайтидан ушбу ахборот тизимининг оператори бўлган Суғурталовчи ва Суғурта қилдирувчи ўртасида электрон шаклдаги ахборот алмашувини таъминлайдиган ахборот тизими сифатида фойдаланилиши мумкин.