Мазкур Қоидаларда назарда тутилган шартларга ва/ёки қўшимча келишилган шартларга, мазкур Қоидаларнинг истисноларига, мазкур Қоидаларнинг ажралмас қисми ҳисобланадиган суғурта қилиш иловаларига мувофиқ, Суғурта қилдирувчи суғурта мукофотини тўлаши шарти билан, Суғурталовчи қуйида назарда тутилган тартиб ва ҳажмда суғурта ҳодисаси содир бўлиши оқибатида Суғурта қилдирувчига етказилган зарарни қоплаш мажбуриятини олади.

Банкнинг омонат шартномаси бўйича Суғурта қилдирувчи олдидаги ўз мажбуриятларини бажармаслиги (лозим даражада бажармаслиги) туфайли Суғурта қилдирувчида зарар юзага келиши билан боғлиқ бўлган, Ўзбекистон Республикаси қонунчилигига зид бўлмаган Суғурта қилдирувчининг мулкий манфаатлари суғурта объекти ҳисобланади.

Мазкур Қоидалар доирасида Банкнинг банк операцияларини амалга ошириш ҳуқуқини берувчи лицензияси Ўзбекистон Республикаси Марказий банки томонидан чақириб олиниши натижасида Банкнинг омонат шартномаси бўйича Суғурта қилдирувчи олдидаги ўз мажбуриятларини бажармаслиги (лозим даражада бажармаслиги) оқибатида Суғурта қилдирувчига етказилган зарар суғурта ҳодисаси деб ҳисобланади.

Суғурталовчи томонидан қуйидагилар натижасида юзага келган зарарлар қоплаб берилмайди:

Суғурта қилдирувчининг суғурта ҳодисаси содир бўлишига қаратилган қасддан, атайлаб, инсофсизларча, фирибгарлик ёки жиноий тарзда ҳаракати ёки ҳаракатсизлиги;

банк омонати бўйича қонунга хилоф (сохта, қалбаки) битим тузилган бўлса, шу жумладан битим тузишга ваколати бўлмаган шахс томонидан битим тузилган бўлса;

Банк фаолиятини Ўзбекистон Республикасининг амалдаги қонунчилигида белгиланган тартибда вақтинча тўхтатилиши (ҳисобварақларни музлатилиши, банк операцияларини амалга ошириш ҳуқуқини берувчи лицензиянинг вақтинча тўхтатилиши, қайта ташкил этиш натижасида Банк фаолиятининг тугатилиши ва бошқалар) оқибатида Банкнинг омонат шартномаси бўйича Суғурта қилдирувчи олдидаги ўз мажбуриятларини бажармаслиги (лозим даражада бажармаслиги);

учинчи шахслар томонидан, шу жумладан Банк серверларига рухсатсиз кириш имконини берган хакерлик ҳужуми натижасида Суғурта қилдирувчининг банк омонати ҳисобварағидан пул маблағларини рухсатсиз ечиб олинса;

Банкнинг мансабдор шахслари ва (ёки) мулк эгаларининг (таъсисчиларнинг, иштирокчиларнинг) фуқаролик, маъмурий ва жиноий жавобгарликни назарда тутувчи ҳатти-ҳаракатлари, агар қарздорликнинг қайтмаслигига бундай ҳатти-ҳаракатлар сабаб бўлганлиги суд тартибида белгиланган бўлса;

омонат шартномаси бўйича мажбуриятларни бажариб бўлмайдиган қилиб қўядиган, давлат органлари томонидан норматив-ҳуқуқий ҳужжатларни қабул қилинишининг бевосита ва билвосита оқибати бўлган воқеалар;

валюталар курсининг ўзгариши, пеня, неустойка суммалари, ўзганинг пул маблағларидан фойдаланганлик учун фоизлар.

Суғурталовчи суғурта ҳодисаси қуйидагилар оқибатида содир бўлганда, суғурта товони тўлашдан озод қилинади:

а) ҳарбий бостириб кириш акти, ҳарбий ҳаракатлар, маневрлар ёки бошқа ҳарбий ёки бошқа шунга ўхшаш тадбирлар (уруш эълон қилинган ёки қилинмаганлигидан қатъий назар), фуқаролик уруши;

б) қўзғолон, оммавий фуқароларнинг тартибсизликлари, миллат миқёсида иш ташлаш;

в) шахс ёки бир гуруҳ шахслар томонидан амалга оширилган террорчилик ҳаракати;

г) ядро портлаши, радиация таъсири ёки радиоактив захарланиш;

д) Суғурта объектини давлат органларининг фармойиши билан олиб қўйилиши, мусодара қилиниши, реквизиция қилиниши, хатланиши ёки йўқ қилиб ташланиши.

Суғурта амал қилмайди, агар банк омонати жойлаштирилган санада:

сўнгги 3 ой давомида Банк томонидан Ўзбекистон Республикаси Марказий банки томонидан белгиланган барча пруденциал меъёрларга риоя этилмаганлиги тўғрисида маълумотлар мавжуд бўлса;

Банкда ўз маблағлари (акциядорлик капитали) миқдорининг 25 фоизига тенг ёки ундан ортиқ миқдорда ундириб бўлмайдиган талаблар мавжуд бўлса.

Суғурталовчи мазкур Қоидаларда назарда тутилмаган ва қайд этилмаган ҳар қандай воқеаларга, шунингдек суғурта ҳудуди ёки суғурта полисининг амал қилиш муддатидан ташқарида содир бўлган воқеаларга нисбатан жавобгарлик олиб бормайди. Суғурталовчи, шунингдек, Ўзбекистон Республикаси қонунчилигида белгиланган ҳолларда суғурта товонини тўлаш мажбуриятидан озод қилинади.

ЕИ, АҚШ ва БМТ (бошқа ваколатли халқаро ташкилотлар) иқтисодий ва савдо санкцияларига зид бўлган, суғурта қопламасинги амалга оширишни тартибга соладиган ёки рухсат берадиган суғурта қилиш шартлари (суғурта полисининг, суғурта шартномаси), ўз-ўзидан ҳақиқий эмас. Суғурта ҳимоясини тақдим этувчи ҳар қандай бошқа суғурта ҳужжатлар (сертификат ва бошқалар) бундай шартлари, шундай шартлар асосида қўйилган талаблар ҳам ўз-ўзидан ҳақиқий эмасдир.

Агар Суғурта қилдирувчи мазкур Қоидаларнинг шартларини бузганлиги Суғурталовчи томонидан аниқланса, ёки Суғурта қилдирувчи зарар учун жавобгар шахсга нисбатан ўзининг талаб қилиш ҳуқуқидан бош тортса ёки Суғурта қилдирувчининг айби билан бундай ҳуқуқни амалга ошириш мумкин бўлмаса, Суғурталовчи суғурта товонини тўламайди (Ўзбекистон Республикаси Фуқаролик кодексининг 957 моддаси).

Бир банкдаги бир омонатчи учун суғурта пули 500 000 000 (беш юз миллион) сўмгача бўлган энг юқори миқдорда белгиланади.

Мазкур Қоидаларга бўйича суғурта тарифининг йиллик ставкаси суғурта пулининг 0,125% (ноль бутун бир юз йигирма беш фоизи) дан кам бўлмаган миқдорда белгиланади. Суғурта тарифи суғурта пулидан фоиз ҳисобидаги суғурта мукофоти ставкасини ифодалайди.

Мазкур Қоидаларга кўра суғурта пули ва суғурта мукофоти миқдорлари суғурта полисида кўрсатиб ўтилади.

Суғурта мукофоти, пул маблағларини Суғурталовчини банк ҳисоб рақамига ўтказиш ёки Суғурталовчини банк ҳисоб рақамига Ўзбекистон Республикаси қонунчилиги билан рухсат этилган бошқа тўлов тизимлари орқали тўланиши мумкин.

Суғурта шартномалари (суғурта полислари) бўйича юзасидан барча ўзаро ҳисоб-китоблар Ўзбекистон Республикаси миллий валютасида – Сўмда амалга оширилади.

Пул маблағлари Суғурталовчи ҳисобрақамига келиб тушган кун суғурта мукофоти тўланган сана ҳисобланади.

Суғурта полиси мазкур Қоидаларга мувофиқ Суғурта қилдирувчига унинг суғурта қилиш бўйича Ариза-сўровномасига биноан Суғурталовчи томонидан битта электрон ҳужжат шаклида тузилган суғурта полисини йўллаш йўли билан расмийлаштирилади.

Мазкур Қоидаларнинг, шунингдек мазкур Қоидаларнинг ажралмас қисми бўлган унинг иловаларидаги шартлари, Суғурталовчи ва Суғурта қилдирувчи учун, Қоидаларнинг мазкур Бўлимида назарда тутилган тартибда суғурта шартномаси (суғурта полиси) тузилган пайтдан мажбурий ҳисобланади, агар мазкур Қоидаларни ва унинг иловаларини шартларига мувофиқ бошқача тартиби назарда тутилмаган бўлса.

Суғурта қилдирувчи, суғурта шартномаси (суғурта полиси) ва унинг иловаларида келтирилган маълумотларнинг тўғрилиги бўйича жавобгарлик олиб боради. Суғурта қилдирувчининг алдаши таъсири остида суғурта шартнома Суғурталовчи томонидан тузилганлиги ва/ёки Суғурталовчи суғурта шартномасини (суғурта полисини) бергандан кейин, Суғурта қилдирувчи суғурта ҳодисаси юз бериши эҳтимолини ва унинг юз бериши туфайли кутилажак зарар миқдорини аниқлаш учун муҳим аҳамиятга эга бўлган ҳолатлар тўғрисида ёлғон маълумотларни Суғурталовчига маълум қилган бўлса, Суғурталовчи Ўзбекистон Республикаси қонунчилигига мувофиқ суғурта шартномасини (суғурта полисини) ҳақиқий эмас деб топишни ва унинг ҳақиқий эмаслиги оқибатларини қўлланилишини талаб қилишга ҳақли.

Суғурта мукофотини амалга оширишдан аввал, Суғурта қилдирувчи HYPERLINK "https://apexinsurance.uz/rules%20" https://aic.uz/rules ҳаволаси орқали мазкур Қоидаларидаги шартлар билан танишади.

Ўзбекистон Республикаси ФҚнинг 927-моддасига мувофиқ, Суғурта қилдирувчи томонидан суғурта мукофотини мазкур Қоидаларда назарда тутилган тартибда тўланиши ва суғурта полисини қабул қилиб олиниши, Суғурталовчи таклиф этган шартларда суғурта шартномасини (суғурта полисини) тузишга ва қуйидагиларга сўзсиз ва тўлиқ рози эканлигини (акцепт) билдиради:

мазкур Қоидалар ўқиб чиқилганлига, ҳеч қандай изоҳ ва эътирозларсиз тўлиқ ҳажмда қабул қилинганлигига;

Ўзбекистон Республикасининг 02.07.2019 йилдаги ЎРҚ-547-сонли "Шахсга доир маълумотлар тўғрисида"ги Қонунига мувофиқ суғурталашни амалга ошириш учун шахсга доир маълумотларга ишлов беришга.

Шартнома (суғурта полиси) унинг амал қилиш муддати тугаганда, шунингдек Ўзбекистон Республикаси қонунчилигида   назарда тутилган ҳолларда ва тартибда бекор бўлади.

Суғурта қилдирувчининг талабига кўра мазкур Шартнома (суғурта полиси тугатилганда) муддатидан олдин бекор қилинганда, тўланган суғурта мукофоти қайтариб берилмайди.

Мазкур Қоидаларга мувофиқ расмийлаштирилган суғурта полисини амал қилиш даврида:

Банкнинг омонат шартномаси бўйича Суғурта қилдирувчи олдидаги ўз мажбуриятларини бажармаслиги (лозим даражада бажармаслиги) туфайли етказилган зарар суммаси, Суғурталовчи томонидан мазкур Қоидаларнинг 8.3 бандига мувофиқ аниқланади ва қуйидагиларни чегириб ташлаган ҳолда, қўйилган маблағлар миқдоридан келиб чиқиб ҳисобланади:

Банк томонидан омонат шартномаси асосида Суғурта қилдирувчига тўланган маблағлар;

кафолатланган омонатлар бўйича тўланиши лозим бўлган компенсациялар;

банк омонати бўйича ҳисобланган, лекин олинмаган фоизлар.

Суғурта ҳодисаси деб тан олиши мумкин бўлган воқеа содир бўлганда, Суғурта қилдирувчи, бундай воқеа содир бўлган кундан бошлаб, 3 (уч) иш кун ичида Суғурталовчига суғурта товонини тўлаб берилиши юзасидан ёзма ариза тақдим этиши шарт.

Суғурталовчи суғурта товонини тўлаш бўйича қарорни қабул қилиши учун Суғурталовчига қуйидаги ҳужжатлар тақдим этилиши шарт:

товон олиш учун ёзма ариза;

Ўзбекистон Республикаси Марказий банкининг лицензияни чақириб олиш тўғрисидаги расмий хабарномаси;

Суғурта қилдирувчи ва Банк ўртасида тузилган барча қўшимча ва иловалар билан бирга омонат шартномасининг асл нусхаси;

пул маблағлари ҳаракатини ва омонат шартномаси бўйича Банкнинг Суғурта қилдирувчи олдидаги мажбуриятлари миқдорини тасдиқловчи маълумотнома;

икки томон имзолаган, Суғурта қилдирувчи ва Банк ўртасидаги ўзаро ҳисоб-китобларнинг солиштирма далолатномалари;

Суғурта қилдирувчининг ташаббуси билан зарарларнинг юзага келишига сабаб бўлган ҳолатларни текширишда ҳуқуқни муҳофаза қилувчи органлари иштирок этган барча ҳолларда - жиноят ишини қўзғатиш ёки қўзғатишни рад этиш тўғрисидаги қарор, жабрланувчи деб эътироф этиш ҳақида қарор, олиб қўйиш (тинтув) ўтказиш тўғрисидаги қарор, тинтув баённомалари (мавжуд бўлса);

Суғурта қилдирувчининг зарар кўриши фуқаролик ёки жиноий суд ишларини юритишда суд муҳокамасининг предмети бўлган барча ҳолларда - суднинг қонуний кучга кирган қарори ёки суднинг қонуний кучга кирган ҳукми.

Мазкур воқеага тегишли барча зарур ҳужжатлар олингандан ва барча тафсилотлар ўрганилгандан кейин, Суғурталовчи томонидан содир бўлган воқеани суғурта ҳодисаси деб тан олиш ёки тан олинмаслиги бўйича қарор қабул қилинади.

Суғурта товонини тўлашни рад этиш ёки тўлаш тўғрисидаги Суғурталовчининг қарори, Суғурта қилдирувчи унинг суғурта товонини тўлаш бўйича қилган ёзма мурожаатидан кейин 15 (ўн беш) кун ичида маълум қилиниши лозим, рад этилганда рад этишнинг асослантирилган сабаблари кўрсатилиши лозим.

Суғурта қилдирувчи тақдим этган зарур бўлган ҳужжатларга асосан Суғурталовчи суғурта ҳодисаси содир бўлганлиги фактини тан олса, Суғурталовчи 5 (беш) иш куни ичида барча олинган маълумотлар қайд этиладиган ва тўланилиши лозим бўлган суғурта товони миқдори белгиланадиган суғурта ҳодисаси тўғрисида далолатномани тузади. Суғурта ҳодисаси тўғрисидаги далолатномани Суғурталовчи ва Суғурта қилдирувчи имзолайди.

Суғурталовчи суғурта товонини суғурта ҳодисаси тўғрисидаги далолатнома тузилган кундан эътиборан 5 (беш) банк куни ичида Суғурта қилдирувчи банк ҳисобрақамига пул маблағларини ўтказиш йўли билан тўлашга ҳақли.

Агар воқеаси содир бўлганлиги факти муносабати билан жиноят иши, фуқаролик иш юритуви ёки маъмурий жазо қўллаш тўғрисида иш қўзғатилган бўлса, Суғурталовчи тўланиши лозим бўлган тўлов масаласи бўйича қарор қабул қилишни ваколатли органлар томонидан тегишли қарор қабул қилиш пайтига қадар кечиктириш ҳуқуқига эга.

Агар зарар суммаси зарар етказган шахс томонидан тўлиқ қоплаб берилса ва/ёки қопланаётган бўлса, Суғурта қилдирувчи суғурта товонини олиш бўйича ўз ҳуқуқини йўқотади.

Суғурта ҳодисаси содир бўлганлигини, шунингдек етказилган зарарларни исботлаш Суғурта қилдирувчи зиммасига юкланади.

Суғурта қилдирувчининг етказилган зарар бўйича жавобгар бўлган шахсга нисбатан регресс талаб қўйиш ҳуқуқи, тўланган суғурта товони миқдори доирасида Суғурталовчига ўтади.

Суғурта қилдирувчи, Ўзбекистон Республикаси Фуқаролик Кодексининг 957-моддаси талабларига мувофиқ, Суғурталовчи ўзига ўтган талаб қилиш ҳуқуқини амалга ошириши учун зарур бўлган барча ҳужжатлар ва далилларни Суғурталовчига бериши ҳамда барча маълумолларни унга маълум қилиши шарт.

Агар Суғурта қилдирувчи Суғурталовчи томонидан қопланган зарарлар учун айбдор шахсдан талаб қилиш ҳуқуқидан воз кечса ёки ушбу ҳуқуқни амалга ошириш уларнинг ёки унинг айби билан имконсиз бўлса, Суғурталовчи суғурта товонини тўлиқ ёки тегишли қисмида тўлашдан озод қилинади ва тўланган суғурта товони миқдорини қайтаришни талаб қилишга ҳақли.

Зиммаларига олинган ўз мажбуриятларни бажармаганлик ёки лозим даражада бажармаганлик учун томонлар Ўзбекистон Республикасининг амалдаги қонунчилигига мувофиқ жавобгар бўладилар.

Томонлар, агар улар бу ҳолнинг Томонлар олдиндан кўриши ёки оқилона чоралар билан олдини олиши мумкин бўлмаган фавқулодда хусусиятдаги воқеалар натижасида суғурта полиси тузилганидан кейин юз берган, енгиб бўлмас кучдаги ҳолатлар (форс-мажор) юзага келиши оқибатида юз берганлигини исботлай олса ва Томонлар ўз мажбуриятларини тегишлича бажариш юзасидан уларга боғлиқ бўлган ва мумкин бўлган барча чораларни кўрган бўлса, суғурта полиси бўйича ўз мажбуриятларини бажармаслиги ёки тегишлича бажармаслиги учун жавобгар бўлмайди. Томонлар бир-бирини форс-мажор ҳолатлар юзага келганлиги ҳақида уларнинг юзага келиши пайтидан бошлаб уч иш куни ичида хабардор этиши шарт.

Форс-мажор ҳолатлар юзага келган тақдирда, суғурта полиси бўйича мажбуриятларни бажариш муддати мутаносиб равишда ушбу ҳодисалар рўй берган муддатга сурилади.

Томонлар Ўзбекистон Республикасининг 2021 йил 23 ноябрдаги "Суғурта фаолияти тўғрисида"ги ЎРҚ-730-сонли Қонунининг 14-моддаси ҳамда Ўзбекистон Республикаси Фуқаролик кодексининг 933-моддаси талабларига мувофиқ, мазкур Қоидалар доирасидаги муносабатлар туфайли ўзларига маълум бўлган ахборотнинг махфийлигини таъминлаш ва унинг ошкор этилишига йўл қўймаслик мажбуриятини оладилар.

Суғурта қилдирувчи ҳамма фойдаланиши мумкин бўлган ахборот-коммуникация технологияларидан фойдаланган ҳолда тақдим этган маълумотлар бўйича Суғурталовчи жавобгарлик олиб бормайди.

Суғурта қилдирувчи суғурта мукофотини тўлаётиб, Суғурталовчига, Суғурталовчи томонидан суғурта шартномаси шартларини бажарилиши учун, шунингдек қонунга зид бўлмаган бошқа мақсадлар йўлида Суғурта қилдирувчи ҳар қандай шахсий маълумотларидан ишлов беришга ва фойдаланишга розилигини билдиради. Ҳар қандай ахборотларга ишлов бериш ахборот-коммуникация технологияларидан фойдаланган ҳолда ёки уларсиз амалга оширилади, шу жумладан суғурта полисини тузиш ва бажариш муносабати билан Суғурталовчига тақдим этилган шахсий маълумотларни йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш, шунингдек Ўзбекистон Республикасининг амалдаги қонунчилигида назарда тутилган бошқа ҳаракатларни амалга ошириш.

Суғурта шартнома бўйича ўз мажбуриятларини бажаришда Томонлар, ҳар қандай ноқонуний устунлик ёки бошқа имтиёзларни олиш мақсадида, уларнинг аффилланган шахслари, ходимлари ёки вакилллари ушбу шахсларнинг ҳаракатлари ёки қарорларига таъсир қилиш учун, ҳар қандай шахсларга ҳақ тўламайдилар, тўлашни таклиф қилмайдилар ва ҳеч қандай пул маблағлари ёки қимматбаҳо буюмларни тўлашга йўл қўймайдилар.

Суғурта шартнома бўйича ўз мажбуриятларини бажаришда Томонлар, уларнинг аффилланган шахслари, ходимлари ёки вакиллари, амалдаги қонунчиликка мувофиқ пора бериш ва олиш, тижоратда пора эвазига оғдириб олиш, шунингдек жиноий фаолиятдан олинган даромадларни легаллаштиришга, терроризмни молиялаштиришга қарши курашиш тўғрисидаги қонунчилик талабларини ва халқаро ҳужжатлар талабларини бузадиган ҳаракатларни содир этмаслик мажбуриятини оладилар.

Агар Томонлардан бири ушбу банднинг ҳар қандай қоидаларининг бузилиши содир бўлган ёки содир бўлиши мумкин деб гумон қилса, тегишли томон бошқа томонни ёзма равишда хабардор қилиш мажбуриятини олади. Ёзма билдиришномада томон бошқа томон, унинг ходимлари ёки воситачилари томонидан ушбу банднинг ҳар қандай қоидалари бузилиши содир бўлган ёки содир бўлиши мумкин бўлганлигини ишончли тасдиқловчи ёки ишонтириш учун асос бўладиган фактларга ҳавола қилиши ёки материалларни тақдим қилиши керак.

Агар Томонлардан бири ушбу банд қоидаларини бузса, бошқа Томон шартномани бир томонлама бекор қилиш тўғрисида ёзма билдиришнома юбориш орқали шартномани суддан ташқари бир томонлама тартибда бекор қилишга ҳақли.

Суғурта полисини бажарилишида юз бериши мумкин бўлган низолар ва келишмовчиликлар, имкон қадар Томонлар ўртасидаги музокаралар йўли билан ҳал этилади. Низоларни музокаралар йўли билан ҳал этиш мумкин бўлмаганда, Томонлар қонунчиликда кўзда тутилган судгача низоларни тартибга солиш таомилини амалга оширгандан кейин, уларни Ўзбекистон Республикасининг қонунчилиги билан белгиланган тартибда Суғурталовчини давлат рўйхатидан ўтган жойдаги судга берилади.

Суғурта полиси бўйича ҳуқуқ ва мажбуриятлар томонларнинг ёзма розилигисиз учинчи шахсларга ўтказилишига йўл қўйилмайди.

Мазкур Қоидаларда кўрсатиб ўтилмаган барча масалалар Ўзбекистон Республикасининг амалдаги қонун ҳужжатлари билан тартибга солинади.

Томонлар суғурта шартномасини бажаралиши доирасида ахборот алмашинувини электрон шаклда амалга оширишга ҳақли, жумладан суғурта қилдирувчи томонидан суғурталовчига мазкур Қоидаларда назарда тутилган суғурта шартномасини тузиш, ўзгартириш, муддатидан олдин тугатиш учун, суғурта қоидаларида назарда тутилган ҳолларда ва тартибда суғурта товонини (суғурта тўловини) олиш учун электрон шаклдаги ахборотни (суғурта шартномасини (полисини) тузиш, ўзгартириш, муддатидан олдин тугатиш тўғрисидаги аризани, суғурта ҳодисаси юз берганлиги ҳақидаги билдиришномани, суғурта товонини (суғурта тўловини) тўлаш тўғрисидаги аризани ва (ёки) бошқа ҳужжатларни) яратиш ҳамда жўнатиш суғурталовчининг Интернет жаҳон ахборот тармоғидаги расмий веб-сайтидан, шунингдек мобиль иловалардан, электрон почтадан ва ахборот алмашишнинг бошқа усулларидан, хусусан, Суғурталовчининг Telegram ботидан фойдаланилган ҳолда амалга оширилади. Суғурталовчининг расмий веб-сайтидан ушбу ахборот тизимининг оператори бўлган суғурта қилдирувчи ва суғурталовчи ўртасида электрон шаклдаги ахборот алмашинувини таъминлайдиган ахборот тизими сифатида фойдаланилиши мумкин.